Сёння, 22 траўня, у Купалаўскім універсітэце падвялі вынікі адукацыйнай праграмы павышэння кваліфікацыі «Павышэнне псіхалагічнай кампетэнтнасці выкладчыкаў УВА ў працы са студэнтамі», якая стартавала 11 мая.
Праграма была накіравана на навучанне педагогаў сучаснымі інструментамі ўзаемадзеяння з моладдзю. На працягу курса слухачы вывучылі шырокі спектр актуальных тэм, у тым ліку стрэс-менеджмент у дзейнасці выкладчыка; кампетэнтнасць педагога ў вырашэнні канфліктных сітуацый і рабоце ў стане стрэсу; развіццё інтэлекту ў юнацкім узросце; псіхалагічныя аспекты пакалення Z; распазнанне і псіхадыягностыку асобасных псіхатыпаў. А таксама былі разгледжаны псіхалагічныя асаблівасці педагагічнай камунікацыі са студэнтамі; кампетэнтнасць педагога ў арганізацыі прафесійнага ўзаемадзеяння; псіхалагічныя механізмы прыняцця эфектыўных рашэнняў; прафілактыка дэвіянтных паводзін у студэнцкім асяроддзі; тэхнікі фармавання ўнутранай экалогіі асобы пры працы ў сацыянамічных прафесіях.
Варта адзначыць, што навучанне мела практыка-арыентаваны характар: выкладчыкі не толькі праслухалі лекцыі, але і адпрацавалі тэхнікі педагагічнай камунікацыі і псіхадыягностыкі.
Завяршальным этапам праграмы стала падвядзенне вынікаў. Ва ўрачыстай абстаноўцы выкладчыкам, якія паспяхова асвоілі праграму, былі ўручаны пасведчанні аб павышэнні кваліфікацыі дзяржаўнага ўзору.
Віншуем калег з паспяховым завяршэннем навучання і жадаем эфектыўнага прымянення новых псіхалагічных навыкаў у рабоце са студэнтамі!
Гродзенскі дзяржаўны ўніверсітэт імя Янкі Купалы