Праца прыёмнай камісіі ў ГрДУ імя Янкі Купалы працягваецца па 1 жніўня для абітурыентаў, якія жадаюць вучыцца на платнай аснове.
Ужо 21 ліпеня ў 16.30 у Купалаўскім універсітэце пройдзе пасяджэнне прыёмнай камісіі, падчас якога адбудзецца залічэнне абітурыентаў у лік студэнтаў па спецыяльнасцях за кошт сродкаў рэспубліканскага бюджэту (па трох сертыфікатах ЦТ і ЦЭ). Інфармацыя аб выніках залічэння будзе размешчана ў Лічбавым кабінеце абітурыента.
Нагадваем, што для абітурыентаў, якія здаюць унутраныя ўступныя іспыты, і іх бацькоў арганізавана дыстанцыйнае кансультаванне аб парадку правядзення ўступных іспытаў. Відэакансультацыя даступна на сайце www.abit.by, дзе вы можаце знайсці інфармацыю аб ходзе прыёмнай кампаніі, прапанаваных спецыяльнасцях і тэрмінах падачы. Адказы на пытанні, якія цікавяць, таксама можна атрымаць у пункце працы прыёмнай камісіі Гродзенскага дзяржаўнага ўніверсітэта імя Янкі Купалы па адрасе: вул. Леніна, 32; а таксама па тэлефонах: +375 (152) 67-01-01 (шматканальны), +375 (33) 35 44 500 (МТС), +375 (22) 77 44 500 (Life).
Жадаем поспехаў абітурыентам і чакаем у вялікай купалаўскай сям'і!
Гродзенскі дзяржаўны ўніверсітэт імя Янкі Купалы