З 20 чэрвеня па 21 ліпеня праходзіў абласны конкурс відэаролікаў "Моладзь і прафсаюз - гэта выгадны саюз", прымеркаваны да Дня моладзі і накіраваны на папулярызацыю прафсаюзнага руху сярод моладзі. Гродзенскі дзяржаўны ўніверсітэт імя Янкі Купалы ў ліку пераможцаў.
Конкурс быў арганізаваны Гродзенскім абласным аб'яднаннем прафсаюзаў. Удзельнікам трэба было падрыхтаваць відэаролік, у якім маладыя члены пярвічных арганізацый расказваюць аб важнасці і неабходнасці прафсаюзнага руху ў Беларусі і ўзаемадзеянні з ім. Таксама важна было паказаць культурныя і спартыўныя мерапрыемствы, арганізаваныя прафсаюзам для моладзі, і прыклады сацыяльных ініцыятываў, у якіх удзельнічае моладзь разам з прафсаюзам. Ад пярвічных прафсаюзных арганізацый Гродзеншчыны на конкурс паступіла каля 50 відэаролікаў.
Творчы падыход купалаўцаў да стварэння матэрыялу не пакінуў абыякавымі членаў журы. Відэаролік Гродзенскага дзяржаўнага ўніверсітэта імя Янкі Купалы ўдастоены звання пераможцы конкурсу.
Ганаровае трэцяе месца заняла метадыст аддзела падтрымкі маладзёжных праектаў і ініцыятыў Наталля Гузевіч.
Віншуем купалаўцаў з заслужанай перамогай! Жадаем не спыняцца на дасягнутым і заўсёды рухацца наперад, пакараючы любыя вяршыні.
Гродзенскі дзяржаўны ўніверсітэт імя Янкі Купалы