З 29 чэрвеня па 10 ліпеня Гродзенскі дзяржаўны ўніверсітэт імя Янкі Купалы адчыніць свае дзверы для будучых абітурыентаў. Тут ізноў пройдзе шматпрофільная летняя школа «Купалаўскі старт», якая пазнаёміць школьнікаў са студэнцкім жыццём.
Арганізатары падрыхтавалі для ўдзельнікаў насычаную праграму, накіраваную на поўнае апусканне старшакласнікаў у жыццё ВНУ. Цягам двух тыдняў удзельнікаў чакаюць інтэнсіўы і экспрэс-курсы па школьных прадметах, якія дапамогуць не толькі падцягнуць, але і паглыбіць веды. Для рабят правядуць экскурсіі па факультэтах, дзе яны ўбачаць, як праходзіць навучанне. Таксама ў рамках школы адбудзецца конкурс «Самы разумны».
Асаблівай часткай праграмы стане сустрэча з адказным сакратаром прыёмнай камісіі. Вучні змогуць задаць пытанні, якія іх цікавяць, і даведацца пра самую актуальную інфармацыю аб паступленні.
Для ўдзелу ў мерапрыемствах неабходна папярэдне прайсці рэгістрацыю. Больш інфармацыі аб мерапрыемствах школы – у праграме.
Падрабязнасці можна даведацца па тэлефоне 39-58-76. Уся актуальная інфармацыя для абітурыентаў размешчана на сайце abit.grsu.by.
Запрашаем будучых абітурыентаў ужо зараз стаць часткай купалаўскай сям'і!
Гродзенскі дзяржаўны ўніверсітэт імя Янкі Купалы