З 1 верасня па 10 кастрычніка 2025 года Міністэрства спорту і турызму запрашае да ўдзелу ў конкурсе відэаролікаў "Жыві спортам". Мэта конкурсу - папулярызацыя здаровага ладу жыцця сярод моладзі Рэспублікі Беларусь праз заняткі спортам.
У конкурсе могуць прыняць удзел грамадзяне Рэспублікі Беларусь, якія дасягнулі паўналецця, з ліку студэнтаў вышэйшых навучальных устаноў, навучэнцаў сярэдніх спецыяльных навучальных устаноў, якія падалі ўсе дакументы ў адпаведнасці з умовамі конкурсу.
Удзельнікам трэба запісаць відэаролік на зададзеную тэму. Кожны відэаролік, які прадстаўляецца на конкурс, павінен змяшчаць выразна заклік да занятку спортам. Заклік можа быць выяўлены ў вуснай, тэкставай ці візуальнай форме і павінен матываваць грамадзян да занятку спортам. Тэкст відэароліка павінен быць кароткім, лаканічным, арыгінальным. Працягласць працы - не больш за 20 секунд.
Пераможцы конкурсу будуць узнагароджаны дыпломамі і каштоўнымі прызамі.
Гродзенскі дзяржаўны ўніверсітэт імя Янкі Купалы