17 ліпеня ў Гродзенскім дзяржаўным універсітэце імя Янкі Купалы завяршыўся прыём дакументаў на атрыманне агульнай і спецыяльнай вышэйшай адукацыі за кошт сродкаў рэспубліканскага бюджэту. Да канца шостага дня працы прыёмнай камісіі ў Купалаўскі ўніверсітэт дакументы падалі 2667 абітурыентаў, з іх на дзённую форму атрымання вышэйшай адукацыі – 1969, на завочную – 82, на завочную скарочаную – 604, звыш лічбаў прыёму – 8 чалавек, замежных грамадзян па міжнародных дагаворах і грантах – 4.
У гэтым годзе ГрДУ імя Янкі Купалы ажыццяўляе набор на 54 спецыяльнасці. План набору складае 2355 месца, з іх 1441 – на бюджэтную форму і 914 – на платнай аснове. На астатнія пасля залічэння пераможцаў універсітэцкай алімпіяды і мэтавікоў 1206 бюджэтных месцаў прэтэндуюць 2369 абітурыентаў.
З усіх абітурыентаў, якія падалі дакументы ў ГрДУ імя Янкі Купалы на працягу першых шасці дзён уступнай кампаніі, 424 маюць магчымасць стаць студэнтамі без уступных іспытаў, 27 паступаюць па-за конкурсам.
569 абітурыентаў маюць агульную суму балаў 300 і вышэй. Найбольшую суму балаў (391) мае Дар'я Баравік. Дзяўчына паступае на спецыяльнасць «Міжнароднае права» юрыдычнага факультэта. Усяго ў Купалаўскі ўніверсітэт падалі дакументы 28 уладальнікаў 100-бальных вынікаў ЦТ і ЦЭ.
5 абітурыентаў – пераможцы рэспубліканскай алімпіяды, 23 – пераможцы III (абласнога) этапу рэспубліканскай алімпіяды па вучэбных прадметах, 2 – пераможцы VI Рэспубліканскага конкурсу прафесійнага майстэрства «ProfSkills Belarus 2025».
15 ліпеня абітурыенты, якія асвоілі факультатывы «У свеце тэхнікі і тэхналогій: выбіраем інжынерную прафесію» і «Уводзіны ў педагагічную прафесію», прайшлі сумоўе. Шэсць з іх – выпускнікі класаў інжынернай накіраванасці, восем – педагагічнай. Адзін абітурыент мае рэкамендацыю наглядальнай рады ўстановы адукацыі «Нацыянальны дзіцячы тэхнапарк» і паступае на спецыяльнасць «Праграмная інжынерыя» без уступных іспытаў па абзацы 14 пункта 23 Правілаў прыёму асоб для атрымання агульнай вышэйшай і спецыяльнай вышэйшай адукацыі.
191 абітурыент з'яўляецца ўладальнікам атэстата асаблівага ўзору з узнагароджаннем залатым (сярэбраным) медалём або дыплома аб сярэдняй спецыяльнай адукацыі з адзнакай.
2 абітурыенты з'яўляюцца прызёрамі чэмпіянатаў, першынстваў свету і Еўропы, Еўрапейскіх гульняў, юнацкіх алімпійскіх фестываляў і 1 абітурыент, які заваяваў 1-е месца на афіцыйных чэмпіянатах РБ па Алімпійскіх відах спорту.
78,6% абітурыентаў, якія падалі дакументы ў Купалаўскі ўніверсітэт, – жыхары горада Гродна і Гродзенскай вобласці.
Найбольшы конкурс у дзённай форме склаўся па спецыяльнасці «Графічны дызайн і мультымедыядызайн» – больш за 13 чалавек на месца. Высокі конкурс у дзённай форме атрымання адукацыі таксама склаўся па спецыяльнасцях «Міжнароднае права»; «Правазнаўства»; «Эканамічнае права» (4,22) і «Лінгвістычнае забеспячэнне міжкультурнай камунікацыі» (4,14).
Па завочнай форме атрымання адукацыі ў скарочаны тэрмін высокі конкурс па спецыяльнасцях «Мастацкая адукацыя» (7,6), «Правазнаўства» (4,8), «Вытворчасць прадукцыі і арганізацыя грамадскага харчавання» (2,8). Па завочнай форме атрымання адукацыі высокі конкурс склаўся па спецыяльнасці «Псіхалогія» (3,4).
21 ліпеня ў 16:30 у Гродзенскім дзяржаўным універсітэце імя Янкі Купалы пройдзе пасяджэнне прыёмнай камісіі, падчас якога адбудзецца залічэнне абітурыентаў у лік студэнтаў па спецыяльнасцях (групах спецыяльнасцей) за кошт сродкаў рэспубліканскага бюджэту (па трох сертыфікатах ЦТ або ЦЭ). Інфармаванне аб выніках залічэння абітурыентаў будзе размешчана ў Лічбавым кабінеце абітурыента.
Праца прыёмнай камісіі ў ГрДУ імя Янкі Купалы працягнецца па 1 жніўня для абітурыентаў, якія жадаюць вучыцца на платнай аснове.
Унутраныя ўступныя іспыты будуць праводзіцца згодна з раскладам у перыяд з 18 па 25 ліпеня, інфармацыя аб даце і часе яўкі абітурыента на іспыт прадстаўлена ў яго Лічбавым кабінеце. Іншагароднім абітурыентам універсітэт дае магчымасць засяліцца на час здачы экзаменаў у інтэрнат.
Арганізавана дыстанцыйнае кансультаванне абітурыентаў і іх бацькоў, у тым ліку відэакансультацыя аб парадку правядзення ўступных іспытаў даступна на сайце www.abit.by.
Падрабязную інфармацыю аб ходзе прыёмнай кампаніі (у тым ліку праграмы ўступных іспытаў), прапанаваных спецыяльнасцях, тэрмінах падачы дакументаў і правядзення ўступных іспытаў можна даведацца на сайце www.abit.by, а таксама ў пункце работы прыёмнай камісіі Гродзенскага дзяржаўнага ўніверсітэта імя Янкі Купалы па адрасе: вул. Леніна, 32; а таксама па тэлефонах:
+375 (152) 67-01-01 (шматканальны),
МТС +375 (33) 35 44 500,
Life +375 (22) 77 44 500
Гродзенскі дзяржаўны ўніверсітэт імя Янкі Купалы