Найбуйнейшая ў свеце сацыяльная сетка Facebook купіла беларускі стартап Masquerade (MSQRD), адным з распрацоўшчыкаў якога з'яўляецца выпускнік факультэта матэматыкі і інфарматыкі Гродзенскага дзяржаўнага ўніверсітэта імя Янкі Купалы Яўген Неўгень.
«Мы ўпарта працавалі, каб зрабіць відэа больш займальным і цікавым пры дапамозе фільтраў, якія змяняюць вонкавы выгляд. Цяпер мы рады аб'яднаць намаганні з Facebook і давесці тэхналогію да яшчэ большай колькасці людзей - амаль 1,6 млрд чалавек», - пракаментаваў здзелку кіраўнік праекта Яўгеній Неўгень на афіцыйным сайце MSQRD.
Вядома, што неўзабаве Яўгеній разам са сваёй камандай - Сяргеем Ганчаром і Яўгеніем Зацяпякіным - пачнуць працу ў лонданскім офісе Facebook.
Дарэчы, дадатак Masquerade з'явілася ў снежні 2015 года і дазваляе ў рэжыме рэальнага часу прымяраць маскі розных людзей. Да канца лютага 2016 году колькасьць карыстальнікаў дадатку склала больш за 10 млн чалавек.
Па матэрыялах сайта msqrd.me
Гродзенскі дзяржаўны ўніверсітэт імя Янкі Купалы