Сёння, 20 лютага, дакладна апоўдні па ўсёй краіне пачалі сваю працу выбарчыя ўчасткі. Датэрміновае галасаванне на выбарах дэпутатаў Палаты прадстаўнікоў Нацыянальнага сходу восьмага склікання і мясцовых Саветаў дэпутатаў дваццаць дзевятага склікання стартавала. Гэтая падзея азнаменавала важную прыступку ў дэмакратычным развіцці нашай краіны.
Рашэннем адміністрацыі Кастрычніцкага раёна горада Гродна ад 22 студзеня 2024 года № 77 на тэрыторыі Кастрычніцкага раёна горада Гродна ўтворана 68 участковых выбарчых камісій. Дзве з іх будуць працаваць на базе Купалаўскага ўніверсітэта. Гэта ўчастак №129 па адрасе: вуліца Захарава, 32, тэл. 45 02 79, а таксама ўчастак №133 па вуліцы Пралетарская, 16, тэл. 71 99 43.
Рашэннем адміністрацыі Ленінскага раёна горада Гродна ад 22 студзеня 2024 г. № 70 на тэрыторыі Ленінскага раёна горада Гродна створана 67 участковых выбарчых камісій, дзве з іх адносяцца да ГрДУ імя Янкі Купалы. Участак №11 будзе працаваць па адрасе: зав. Даватара, д. 3/1, тэл. 39 86 34, 39 86 06; участак №14 - вул. Ажэшкі, д. 22, тэл. 71 93 30.
У Выбарах-2024 прымуць удзел больш за 3000 студэнтаў ГрДУ імя Янкі Купалы, якія ўпершыню будуць галасаваць.
Выбарчы ўчастак у галоўным корпусе ўніверсітэта прымае грамадзян, гатовых актыўна ўплываць на палітычную будучыню краіны. Кожны кандыдат сваёй праграмай прапануе выбар, які будзе вызначаць не толькі наступныя захады ўлады, але і тон будучага палітычнага дыялогу ў краіне.
На ўчастку, дзе вялікую колькасць выбаршчыкаў складаюць студэнты, якія галасуюць упершыню, можна назіраць асаблівую энергію і актыўнасць. Моладзь заўсёды была рухаючай сілай грамадства, і іх удзел у выбарах надае працэсу асаблівае значэнне.
- Камісія да ўсяго гатова! Наш участак асаблівы - тут шмат студэнтаў. Вялікая колькасць студэнтаў на ўчастку сведчыць аб павышанай палітычнай актыўнасці і зацікаўленасці моладзі ў грамадскіх справах. Гэта спрыяльны знак, які кажа аб тым, што грамадству ёсць чаму вучыцца ў сваіх маладых грамадзян, - распавёў старшыня ўчастковай выбарчай камісіі ўчастка галасавання № 14 Ленінскага раёна горада Гродна Віктар Белазаровіч.
Студэнты, якія галасуюць упершыню, валодаюць свежымі ідэямі і энтузіязмам.
- Я хачу выказаць сваю грамадзянскую пазіцыю і прыняць удзел у выбарах, таму што маё меркаванне важнае і можа паўплываць на будучыню нашай краіны. Пры выбары кандыдатаў я зважаў на адукацыю і ўзрост. Сваю перавагу я аддаю дырэктарам прадпрыемстваў і кіраўнікам устаноў адукацыі, яны лепш за іншых ведаюць, што трэба моладзі, – падзяліўся студэнт 3 курса факультэта эканомікі і кіравання ГрДУ імя Янкі Купалы Данііл Мазалевіч.
Удзел студэнтаў у выбарах, іх актыўнасць з'яўляюцца важным фактарам у фармаванні спрыяльнага палітычнага клімату ў краіне.
Гродзенскі дзяржаўны ўніверсітэт імя Янкі Купалы