13 мая ў Цэнтры патрыятычнага выхавання (Музей гісторыі развіцця ГрДУ імя Янкі Купалы) адбылося мерапрыемства "Вайна ў гісторыі сям'і Макаравых", прысвечанае 80-годдзю Вялікай Перамогі і Дню сям'і. Гэтая значная падзея сабрала студэнтаў, выкладчыкаў і ўсіх жадаючых аддаць даніну павагі воінам-вызваліцелям і падкрэсліць важнасць сямейных каштоўнасцей у сучасным свеце.
Госцем і спікерам мерапрыемства стаў Пётр Макараў, сын Пятра Аляксеевіча Макарава, які з 1961 па 1978 гады выкладаў на кафедры гісторыі КПСС у Купалаўскім універсітэце, і родны брат Ніны Макаравай, дацэнта кафедры сучасных тэхналогій праграмавання факультэта матэматыкі і інфарматыкі ГрДУ імя Янкі Купы.
З прывітальным словам да ўдзельнікаў мерапрыемства звярнуўся прарэктар па ідэалагічнай і выхаваўчай рабоце Гродзенскага дзяржаўнага ўніверсітэта імя Янкі Купалы Васіль Сянько.
- У ГрДУ імя Янкі Купалы мы заўсёды памятаем і шануем подзвіг савецкіх салдат, якія аддалі свае жыцці за свабоду і незалежнасць нашай краіны. Важна перадаваць гэтую памяць маладому пакаленню, каб яны ведалі аб гераізме сваіх продкаў. Мы павінны захоўваць і памнажаць сямейныя каштоўнасці, якія былі асновай для Перамогі ў той страшнай вайне, - адзначыў Васіль Васільевіч.
Падчас мерапрыемства Пётр Макараў падзяліўся ўспамінамі аб сваім бацьку і аб тым, як вайна паўплывала на іх сям'ю. Ён падкрэсліў, што менавіта баявы дух і падтрымка адна адной дапамагалі пераадольваць цяжкасці ваеннага часу. Адмысловая ўвага была нададзена важнасці захавання памяці аб героях вайны, якія аддалі свае жыцці за будучыню сваіх дзяцей і ўнукаў.
Акрамя таго, сям'я Макаравых перадала ў фонд Цэнтра патрыятычнага выхавання (Музея гісторыі развіцця ГрДУ імя Янкі Купалы) ордэны і медалі Пятра Аляксеевіча Макарава, што стала значным укладам у захаванне гістарычнай памяці.
Мерапрыемства "Вайна ў гісторыі сям'і Макаравых" стала не толькі данінай павагі да подзвігаў ветэранаў, але і магчымасцю для моладзі глыбей зразумець значэнне гераізму і патрыятызму ў гісторыі сваёй краіны.
Даведачна: бацька Ніны Пятроўны і Пятра Пятровіча нарадзіўся 29 чэрвеня 1915 года ў вёсцы Стоўбішча Дзмітраўскага павета Арлоўскай губерні. З кастрычніка 1939 па ліпень 1961 года ён служыў у Чырвонай, а потым у Савецкай Арміі, дзе праявіў сябе як артылерыст. Удзельнік Вялікай Айчыннай вайны з 22 чэрвеня 1941 года, ён тройчы быў паранены, але працягваў змагацца за радзіму да перамогі.
Гродзенскі дзяржаўны ўніверсітэт імя Янкі Купалы