Уладальнікі дыпломаў I, II, III ступені маюць права на залічэнне ў Купалаўскі ўніверсітэт без уступных іспытаў пры паступленні на спецыяльнасці, якія адпавядаюць вучэбнаму прадмету профільнай алімпіяды.
19 лістапада прайшоў папярэдні этап алімпіяды па вучэбным прадмеце «Біялогія» для спецыяльнасцей «Біялогія», «Экалогія», «Фундаментальная і прыкладная біятэхналогія».
78 удзельнікаў скарысталіся ўнікальнай магчымасцю прайсці ў заключны этап і стаць студэнтам Купалаўскага ўніверсітэта без уступных іспытаў.
На гэтым тыдні пройдуць папярэднія этапы яшчэ трох алімпіяд:
- 20 лістапада (серада) па вучэбным прадмеце «Біялогія» для спецыяльнасцяў «Дашкольная адукацыя», «Пачатковая адукацыя», «Сацыяльна-педагагічная і псіхалагічная адукацыя», «Псіхалогія», «Спецыяльная і інклюзіўная адукацыя»;
- 21 лістапада (чацвер) па вучэбным прадмеце «Хімія» для спецыяльнасцяў «Біяхімія» і «Вытворчасць прадукцыі і арганізацыя грамадскага харчавання»;
- 22 лістапада (пятніца) па вучэбным прадмеце «Англійская мова» для спецыяльнасцей «Сучасныя замежныя мовы», «Рамана-германская філалогія (англійская)».
Астатнія алімпіяды пройдуць у перыяд з 26 лістапада па 7 снежня.
Зарэгістравацца для ўдзелу ў алімпіядзе і азнаёміцца з раскладам можна на сайце abit.by.
Падрабязная інфармацыя аб удзеле ў алімпіядзе, графіку правядзення, часе доступу да алімпіядных заданняў і доступ да алімпіядных заданняў размяшчаецца ў Лічбавым кабінеце абітурыента персанальна для кожнага ўдзельніка алімпіяды. З усімі пытаннямі абітурыенты могуць звяртацца ў чат Лічбавага кабінета абітурыента.
Удзельнічай у шматпрофільнай алімпіядзе і стань студэнтам ГрДУ імя Янкі Купалы без уступных іспытаў самым першым!
Шматпрофільная алімпіяда Купалаўскага ўніверсітэта – алімпіяда, у якой прайграць немагчыма! Перамагай сябе! Перамагай з намі!
Гродзенскі дзяржаўны ўніверсітэт імя Янкі Купалы