Навучэнцы старэйшых класаў пазнаёміліся з новай спецыяльнасцю "Біяінжынерыя і біяінфарматыка" на занятку, які прайшоў у прасторы "Саюз тэхнікі і творчасці", які адкрыўся ў корпусе фізіка-тэхнічнага факультэта ГрДУ імя Янкі Купалы.
5 красавіка загадчык кафедры хіміі і біятэхналогіі Лізавета Узлова правяла заняткі для навучэнцаў 10-11 класаў ДУА «Сярэдняя школа № 28 імя В.Д. Сакалоўскага» і «Сярэдняя школа № 38 імя Кірылы Тураўскага» ў прасторы «Саюз тэхнікі і творчасці», якая нядаўна адкрылася. Гэта ўнікальнае месца аснашчана сучасным абсталяваннем і рабочымі зонамі, што дае магчымасць рэалізоўваць самыя смелыя ідэі і развіваць творчыя здольнасці вучняў.
Падчас заняткаў школьнікі пазнаёміліся з новай спецыяльнасцю «Біяінжынерыя і біяінфарматыка». Лізавета Узлова расказала аб арганізацыі навучальнага працэсу, практыка-арыентаваным падыходзе і магчымасцях рэалізацыі ўласных інтарэсаў для вырашэння сацыяльных праблем праз навукова-даследчую работу.
Адмысловая ўвага была нададзена пытанням развіцця прафесійнай і асобаснай траекторыі. Навучэнцы даведаліся, што ў рамках спецыяльнасці можна знайсці сябе як у лабараторнай рабоце, так і ў камп'ютарнай сферы, без непасрэднага ўзаемадзеяння з біялагічнымі аб'ектамі.
Школьнікі актыўна цікавіліся траекторыямі паступлення на спецыяльнасць, у тым ліку мэтавую падрыхтоўку, а таксама пытаннямі атрымання першага працоўнага месца і актуальнай сітуацыі на рынку працы ў галіне біяінжынерыі і біяінфарматыкі.
Мерапрыемства стала важным крокам у папулярызацыі новай спецыяльнасці і падтрымцы моладзі ў выбары кар'ернага шляху.
Гродзенскі дзяржаўны ўніверсітэт імя Янкі Купалы