Больш за 180 вучоных 16-17 мая прымуць удзел у XVII Міжнародных Карскіх чытаннях "Славянскі свет і нацыянальная маўленчая культура ў сучаснай камунікацыі" ў Гродзенскім дзяржаўным універсітэце імя Янкі Купалы.
Карскія чытанні – найстарэйшая навуковая канферэнцыя, якая праводзіцца ў Купалаўскім універсітэце ў гонар акадэміка Яўхіма Фёдаравіча Карскага, ураджэнца Гродзеншчыны, сусветна вядомага вучонага-славіста, даследчыка мовы, літаратуры і культуры беларускага народа, аўтара шматтомнай працы "Беларусы".
У гэтым годзе навуковы форум збярэ навукоўцаў з Беларусі, Балгарыі, Казахстана, Кітая, Расіі, Сербіі, Славакіі, Таджыкістана, Шры-Ланкі. Канферэнцыя мае міждысцыплінарны характар, што адпавядае патрабаванням цэласных гуманітарных ведаў: сярод удзельнікаў чытанняў – не толькі філолагі, але і палітолагі, філосафы, гісторыкі, культуролагі.
Па словах арганізатара Карскіх чытанняў, кандыдата філалагічных навук, дацэнта, дацэнта кафедры журналістыкі Гродзенскага дзяржаўнага ўніверсітэта імя Янкі Купалы Тамары Піваварчык, феномен Карскіх чытанняў заключаецца ў пераемнасці навуковай думкі і далейшым развіцці поглядаў вучонага: «Невыпадкова ў XXI стагоддзі Я.Ф. Карскім напрамкаў, у вобласць масавых камунікацый, якія знаходзяцца ў зоне пільнай увагі медыялінгвістыкі, закранае пытанні культуры камунікацый у сучасным грамадстве».
З прывітальным словам на адкрыцці Карскіх чытанняў выступяць прадстаўнікі рэктарата ГрДУ імя Янкі Купалы, а таксама начальнік галоўнага ўпраўлення ідэалагічнай работы і па справах моладзі Гродзенскага абласнога выканаўчага камітэта Ігар Булаўка і старшыня Праграмнага камітэта XVII Міжнародных Карскіх чытанняў, іх ідэйны натхняльнік Канісевіч .
Гонар для канферэнцыі - удзел у яе працы Уладзіміра Алпатава - акадэміка РАН, доктара філалагічных навук, прафесара, прафесара Інстытута мовазнаўства РАН і МДУ імя М.В. Ламаносава.
Сярод гасцей канферэнцыі - выдатныя даследчыкі купалаўскага ўніверсітэта і іншых навучальных устаноў нашай краіны, доктара навук з Расіі, Сербіі, Балгарыі, Таджыкістана, КНР і Казахстана.
Першы дзень канферэнцыі, 16 мая, адведзены пленарнаму пасяджэнню, на якім з дакладамі выступяць вядомыя беларускія і замежныя вучоныя, у ліку якіх прадстаўнікі ГрДУ ім. Янкі Купалы, Беларускага дзяржаўнага ўніверсітэта, Расійскага дзяржаўнага ўніверсітэта імя М. А. Касыгіна, Белгарадскага дзяржаўнага нацыянальнага даследчага ўніверсітэта, а таксама ганаровы ўдзельнік XVII Міжнародных Карскіх чытанняў – Аляксандр Карскі, праўнук першага беларускага акадэміка Яўхіма Карскага. У гэты ж дзень адбудзецца міжнародны семінар Медыялінгвістычнай камісіі пры Міжнародным камітэце славістаў "Моўная стэрэатыпія і моўная мода ў сучасным медыятэксце", а таксама частка секцыйных пасяджэнняў.
У другі дзень канферэнцыі, 17 мая, удзельнікі прадоўжаць абмяркоўваць пытанні сучасных сацыяльна-гуманітарных ведаў, розных напрамкаў мовазнаўства, медыялінгвістыкі, лінгвістыкі колеру, літаратуразнаўства, гісторыі, культуры і этнаграфіі. 17 мая таксама пройдзе міжнародны навуковы семінар "Лічбавае жыццё нацыянальных медыясістэм і нацыянальных моў".
У рамках канферэнцыі адбудзецца прэзентацыя некалькіх навуковых манаграфій і лексікаграфічных выданняў: Канюшкевіч М.І. Выбранае. Функцыянальная граматыка. Рэляцыі. Камунікацыя (Гродна, 2024); Кульпіна В. Г. Лінгвістычная колералогія: ад гісторыі да сучаснасці каляровых канцэптасфер (Масква, 2019), Нікалаева А.М, Елынцава І.В. «Руска-беларускі сістэмны семантычны слоўнік» (Мінск, 2023), Грыбер Ю. А. Картаграфія колеру: дыягностыка развіцця колеранайменняў рускай мовы з выкарыстаннем натуральна-навуковых, гістарыяграфічных, сацыялагічных і псіхалагічных метадаў (Масква, 2021); Сластнікава Т. В., Чаркашына Е. І. Колер і колераабазначэнні ў лінгвістычных даследаваннях (Масква, 2021); Каляровая карціна свету ў полікультурнай прасторы / пад рэдакцыяй Е. М. Маркавай (Масква, 2024); Харчанка В. К. Багацце колеру ў рускай мове (Масква, 2023).
Канферэнцыя праводзіцца ў ГрДУ імя Янкі Купалы кожныя два гады. У гэтым годзе ўпершыню ў рамках Карскіх чытанняў будуць прадстаўлены вынікі лінгвістычных даследаванняў колеру, што дазваляе ўпэўнена казаць аб тым, што спадчына Я. Ф. Карскага ва ўсіх навуковых напрамках маштабуецца і развіваецца навукоўцамі.
З падрабязнай праграмай XVII Міжнародных Карскіх чытанняў можна пазнаёміцца па спасылцы.
Гродзенскі дзяржаўны ўніверсітэт імя Янкі Купалы