На працягу двух дзён студэнты і супрацоўнікі ГрДУ імя Янкі Купалы бралі ўдзел у высадцы дрэў на тэрыторыі горада і ўніверсітэта.
10 кастрычніка студэнты і супрацоўнікі юрыдычнага факультэта далучыліся да рэспубліканскай акцыі «Адзіны дзень азелянення», высадзіўшы туі. Мерапрыемства прайшло ў сяброўскай атмасферы і было накіравана на паляпшэнне экалогіі ў горадзе Гродна.
11 кастрычніка да акцыі далучыліся студэнты факультэта біялогіі і экалогіі. Разам з Гродзенскім абласным камітэтам прыродных рэсурсаў і аховы навакольнага асяроддзя высадзілі дрэвы на вуліцы Белыя Росы і каля корпуса ўніверсітэта па адрасе: завулак Даватара, 3/1. У акцыі актыўны ўдзел прынялі і замежныя студэнты з Туркменістана.
Экалагічныя акцыі не толькі паляпшаюць знешні выгляд горада, але і выхоўваюць у моладзі адказнасць за навакольнае асяроддзе, развіваюць навыкі каманднай работы і прыцягваюць увагу да пытанняў захавання прыроды.
Гродзенскі дзяржаўны ўніверсітэт імя Янкі Купалы