Студэнты Купалаўскага ўніверсітэта паглядзелі «У бой ідуць адны старыя». Мэта праекта заключаецца ў фарміраванні павагі да Радзімы і яе гісторыі, што набывае асаблівую значнасць для маладога пакалення.
Фільм "У бой ідуць адны старыя" быў выбраны не выпадкова, бо хутка ўся краіна будзе святкаваць Дзень Вялікай Перамогі! Кінакарціна 1973 года рэжысёра Леаніда Быкава апавядае пра будні лётчыкаў-знішчальнікаў у гады Вялікай Айчыннай вайны. Студэнты актыўна ўдзельнічалі ў абмеркаванні фільма, закранулі тэму подзвігу і мужнасці савецкага народа.
Кінастужкі, якія дэманструюцца ў рамках праекта, расказваюць пра гістарычныя падзеі і дасягненні, якія сфарміравалі сучаснае ўяўленне пра Беларусь. Гледачы могуць убачыць, якія намаганні былі прыкладзены для стварэння спрыяльнага асяроддзя і стымулявання эканамічнага росту, што зрабіла Беларусь вядомай за яе межамі.
У далейшым прагляд фільмаў з серыі "Час выбраў нас!" будзе працягнуты. Гэта дасць магчымасць яшчэ большай колькасці студэнтаў даведацца пра багатую гісторыю і культуру Беларусі, а таксама натхніцца на новыя дасягненні і здзяйсненні.
Мерапрыемства “Кіно ў дэталях” развівае цікавасць да гісторыі і садзейнічае фарміраванню актыўнай грамадзянскай пазіцыі ў моладзі.
Гродзенскі дзяржаўны ўніверсітэт імя Янкі Купалы