19 чэрвеня ў Нацыянальнай акадэміі навук Рэспублікі Беларусь адбылася ўрачыстая цырымонія ўшаноўвання выпускнікоў устаноў вышэйшай адукацыі ў рамках XXV рэспубліканскай акцыі "Студэнцтва i Прафсаюз разам". Больш за 80 маладых людзей, якія ўнеслі значны ўклад у развіццё студэнцкай прафсаюзнай арганізацыі і актыўна працавалі над абаронай сацыяльна-эканамічных правоў студэнтаў, былі адзначаны за свае заслугі.
У ліку ўзнагароджаных - купалаўцы: студэнткі 4 курса педагагічнага факультэта Святлана Статкевіч і Кацярына Арцюхевіч, а таксама студэнт 4 курса інжынернага факультэта Павел Джангіраў.
Старшыня Беларускага прафесійнага саюза работнікаў адукацыі і навукі Таццяна Якубовіч павіншавала выпускнікоў з важнай падзеяй у іх жыцці, асабіста ўручыла Ліст падзякі і каштоўны падарунак.
- Я шчаслівая і ганаруся, што мае намаганні атрымалі такую высокую ацэнку, - падзялілася сваімі ўражаннямі Святлана Статкевіч. – Я хачу падзякаваць універсітэту за падтрымку і магчымасці, якія ён дае. Гэта дазволіла мне актыўна ўдзельнічаць у прафсаюзнай дзейнасці і адстойваць інтарэсы студэнтаў. Спадзяюся, што нашая праца дапаможа палепшыць жыццё студэнцкай супольнасці ў будучыні.
Удзел у рэспубліканскай акцыі стаў значнай падзеяй для купалаўцаў, якая пацвярджае іх актыўную жыццёвую пазіцыю і ўклад у развіццё студэнцкага прафсаюзнага руху. Атрыманыя ўзнагароды - заслужанае прызнанне іх працы і стымул для далейшых дасягненняў на прафесійным шляху.
Гродзенскі дзяржаўны ўніверсітэт імя Янкі Купалы